Neyðarsími AA: 895-1050

Stjórn

SAAS fundir

Mánaðarlegir fundir SAAS eru haldnir fyrsta þriðjudag í hverjum mánuði klukkan 18:30. Fundarstaður er Gula húsið í Tjarnargötu, 101 Reykjavík, salurinn á annari hæð.

Fundirnir eru klukkutími að lengd og eru opnir öllum sem vilja.

Aðalfundur SAAS

Aðalfundur SAAS er haldinn einu sinni á ári - fyrsta sunnudag í mars ef þess gefst kostur.

Kynningarfundir SOS

Kynningarfundir á vegum SOS (sjúkrahús og stofnanir) eru fyrsta þriðjudag í hverjum mánuði kl. 18:00-18:15.

Allir sem eru að fara með fundi inná stofnanir þurfa fyrst að mæta á kynningarfund.

Nýir áheyrnarfulltrúar eru jafnframt hvattir til að sitja kynningarfundinn þegar þeir koma í fyrsta sinn á SAAS fund.

Upplýsinganefnd

Upplýsinganefnd SAAS fundar einu sinni í mánuði (í það minnsta) og eru fundirnir opnir öllum AA félögum til áheyrnar og eru einnig kynningafundir fyrir félaga sem hafa áhuga á að starfa með upplýsinganefndinni.

Nefndin hittist fyrsta þriðjudag í mánuði kl. 20.00 í Gula húsinu að Tjarnargötu 20.

Almenn upplýsingamiðlun hjá AA samtökunum merkir að flytja boðskapinn um bata þeim alkóhólistum, sem enn þjást, með því að upplýsa almenning um leiðir AA samtakanna. Við flytjum boðskapinn með því að nálgast fjölmiðla, skóla, atvinnuvegi og aðrar stofnanir, sem geta sagt frá eðli og tilgangi AA samtakanna og hvað þau geta gert fyrir alkóhólista. Upplýsinganefnd sér einnig um fræðslustarf til fagstétta eins og heilbrigðisstétta, löggæslusveita og presta sem koma að starfi meðal veikra alkóhólista.

Starfsemi sem miðar að samstarfi við fagfólk felur það í sér að upplýsa fagfólk um AA, hverjir við erum, hvar við erum, hvað við getum gert og hvað við getum ekki gert. Við reynum að koma á betri samskiptum milli meðlima AA samtakanna og fagfólksins og finna einfaldar og áhrifaríkar leiðir til samstarfs án þess að tengjast þeim.

Í yfirlýsingar um upplýsingastefnu AA hreyfingarinnar sem samþykkt var af Alheimsþjónusturáðstefnunni 1956 segir;„Í öllum samskiptum við almenning er það eina markmið AA-samtakanna að hjálpa þeim alkóhólistum, sem enn þjást. Við teljum að þetta sé hægt að gera með því að kynna honum og þeim, sem kunna að hafa áhuga á vandamáli hans, reynslu okkar sjálfra sem einstaklinga og sem félagsskapar af því að læra að lifa án áfengis, en höfum þó ávallt í huga mikilvægi þess að gæta nafnleyndar einstaklingsins. Við teljum að reynsla okkar ætti að vera aðgengileg öllum þeim er tjá einlægan áhuga. Við teljum ennfremur að allt starf á þessu sviði ætti að endurspegla þakklæti okkar fyrir að hafa öðlast að verða algáð og að margir utan AA-samtakanna eru jafn uppteknir af hinum alvarlegu vandamálum alkóhólismans."

Nefndin vinnur í náinni samvinnu Upplýsinganefnd LNÞ (Landsþjónustunnar) og starfar eftir þeim leiðbeiningum sem AA samtökin hafa gefið út og koma fram í dreifibréfum (AA Guidelines) og vinnubókum (Workbook) um almannatengsl og samvinnu við fagfólk (Public Information og Cooperating With the Professional Comunity).

Fundartímar

SAAS fundir eru fyrsta þriðjudag í mánuði kl 18:30 - þeir standa í einn til einn og hálfan tíma.

SOS fundir eru fyrsta þriðjudag í mánuði kl. 18:00-18:15

Fundir Upplýsingarnefndar SAAS er fyrsta þriðjudag í mánuði kl. 20.00-20.30.

Aðalfundir eru fyrsta sunnudag í mars kl. 14:00 - ef þess gefst kostur.

Fjármál

Framlög frá deildum skipta miklu máli fyrir starfsemi SAAS því það er einu tekjur nefndarinnar. SAAS þarf að greiða húsaleigu, standa straum af kostnaði Neyðarsíma AA-samtakanna, rekstri heimasíðu SAAS ásamt léni auk bæklinga og annars kostnaðar Upplýsinganefndar. SAAS hefur það á stefnuskrá sinni að ávallt skal vera til í sjóði nægilegt fjármagn til reksturs SAAS í 6 mánuði.

Ef umfram fjármagn er til í sjóði skv. ársuppgjöri skal það renna til Landsþjónustunefndar, fyrir aðalfund SAAS. SAAS tekur á þennan þátt fullan þátt í heildarstarfi AA-samtakanna; peningar sem deildir gefa til SAAS fara þannig áfram til annars AA-starfs þegar greitt hefur verið fyrir húsaleigu, rekstur á neyðarsíma og annan kostnað sem til fellur vegna starfsemi SAAS.

Mikilvægt er að hægt sé að rekja fjárframlög til viðeigandi deilda og biðjum við því um að nafn deildar sé sett sem skýring með millifærslum

Deildir geta lagt inn á reikning 1150-26-055077.

Kennitala SAAS er 620185-0359.

© Saas 2020 - Deildir geta lagt inn á reikning 1150-26-055077 Kt. 620185-0359